Litt. Kanskje? Kan nesten virke som om serien heller berører ein del politiske tema utan at den gir særleg inntrykk av det. Ein lun serie om arbeidsinnvandring og andre kulturar som prøver å slå rot i det norske samfunnet. Ei alternativ vinkling på at vi ikkje har så mykje gull, men mest grøne skogar. Ein nestendokumentar om krangling med NAV, det offentlege si mistenkeliggjering av nye nordmenn, kontakt med helsevesenet og ein heil del andre moment som ikkje er avbilda på «postkort-Noreg».

Det geniale er sjølvsagt innpakkinga. Når New York-mafiaen tar eit oppgjer med norsk kultur og byråkrati, blir det tyggbart også for dei som ikkje tenkjer så mykje over korleis landet vårt fungerer. Sjølv om vi truleg ikkje får natteramnar med balltre med det fyrste, så vil nok mykje av samfunnet elles rulle vidare i tråd med det som serien set fokus på.

Gladkrim for oss sjåarar. Ein rapp øve raua til det offentlege Noreg.

Medan den heilt kvite katten ålte seg ut av synsfeltet, kom ein heilt svart katt fykande i same farta og i same retning. I eit lite snev av aha-opplevelse blei det opplagt at den heilt svarte katten sprang etter den heilt kvite katten. Ein ørliten kamp mellom det gode og det onde, rett utanfor hushjørnet.

Heilt svarte kattar som jagar heilt kvite kattar er, når det skal vere sagt, ikkje heilt førebudd på at det står eit blått vesen på nesten to meter litt utanfor midten av ein liten parkeringsplass.

Den heilt svarte katten bremsa på alle fire til bevegelsesenergien var omgjort til stillingsenergi. I eitt eller to sekund stirra eg på den heilt svarte katten, og den heilt svarte katten gløste tilbake. What would Clint Eastwood do…

I ein opplagt situasjon av rådville, byrja den heilt svarte katten å sjå seg uskuldig rundt. Eg er viss på at om kattar kunne plystre, hadde vi fått høyre det i nabolaget denne morgonen. Etter litt fleire sekund lot den heilt svarte katten til å få auge på noko interessant og forsvann bak ei garasje. Om dette stemmer veit nok berre heilt svarte kattar. Men det såg mest ut som den berre ville gøyme seg.

Den heilt kvite katten blei brått ferdig med gøyminga si under bilen, der den heilt sikkert har fulgt med på alt saman, og labba triumferande i ei anna retning enn den heilt svarte katten.

«Salt og pepar», tenkte eg nesten høgt i det tankane streifa innom den lyse bjørneungen og den mørke bjørneungen i ein dyrehage ein stad som heiter Salt og Pepper.

Salt og Pepar – litt krydder i kvardagen.

Maskinvare sentralt plassert i Nederland har gjort det mogleg å tilby diverse tenester for spesielt interesserte. No i starten er fylgjande tenester opne for trafikk:

• irc.halle.co – Internet Relay Chat (Tekstbasert chatting)
• mc.halle.co – Minecraft Beta (Javaspel i 3D med monster og byggeklossar)
• ts.halle.co – TeamSpeak v3 (Gruppebasert IP-telefoni)

Begrensa tilgang

Samarbeid med Google har også gjort det mogleg for enkelte brukarar å få ei e-postkonto frå Gmail med adresse namn@halle.co. Denne kontoen gir samstundes tilgang til mange av dei andre tenestene som Google leverer via nettlesaren.